ferilskrá
	draumar og tarot í Springbank

Ég lauk M.A.-prófi í íslenskum bókmenntum frá Háskóla Íslands 1995 og kennslufræði til kennsluréttinda frá sama skóla 2002.

Í M.A.-ritgerðinni minni, sem ég kallaði Fjársjóðurinn í kviði hval-drekans, rýndi ég í goðsögur og þjóðsögur í ljósi sálfræðikenninga Carls Gustavs Jung. Áður hafði ég í B.A.-ritgerð fjallað um drauga í nútíð og fortíð og byggði þar einkum á kenningum Sigmunds Freud. Bæði þessi verkefni vann ég undir handleiðslu Matthíasar Viðars Sæmundssonar. Matthías lauk upp fyrir mér heillandi heimi fantasíunnar og olli með því straumhvörfum í lífi mínu og lífssýn. Honum fæ ég seint fullþakkað.

1995 gerðist ég meðlimur í C.G. Jung Foundation í New York þar sem ég var búsett í á þriðja tug ára. Jung Foundation heldur uppi öflugri fræðslu um hugmyndafræði Jungs og sporgöngumanna hans og hef ég sótt þar fjölda námskeiða og fyrirlestra í sálarfræði, goðsögum, ævintýrum og túlkun drauma, en draumar eru miðlægur þáttur í sálarfræði Jungs. Jafnframt hef ég, frá 1995, verið í jungískri sálgreiningu, sem meðlimur í draumahópi um skeið en lengst af í einstaklings-þerapíu. Þá hef ég verið virkur meðlimur í The Analytical Psychology Club of New York frá árinu 2001.

Í mars 2009 útskrifaðist ég sem löggiltur drauma-þerapisti frá Institute for Dream Studies (IDS) í Charleston í Suður Karólínu. (Sjá tengil í heimasíðu IDS hér að neðan.)

Ég hef um árabil stundað nám í tarot-fræðum hjá Ruth Ann og Wald Amberstone sem reka The Tarot School í New York. Einnig hef ég gengið í smiðju hjá Rachel Pollack, höfundi The Shining Tribe Tarot. (Tengla í heimasíður kennara minna er að finna hér að neðan.)

	með Justinu Lasley, stjórnanda IDS, í ARAS (Archive for Research in Archetypal Symbolism)
	með draumahópnum í Charleston

útskriftarhópurinn í Charleston með Justinu Lasley lengst t.h.

Áhugaverðar slóðir

Ég bendi hér á nokkrar áhugaverðar slóðir sem tengjast hugðarefnum mínum og námi: